comunicado-do-colectivo-invaxinate.pdf

Ligaçom com mais informaçom

 

Desde MNG queremos dar os nossos parabéns a todas as mulheres e homes que se tenhem mobilizado neste passado 25 de julho na defesa dos nossos direitos como naçom .
Estamos a viver umha situaçom muito complicada onde o capitalismo nom se  resigna a meros recortes aqui e acolá,  o que estám querendo fazer é impor  um novo modelo do capitalismo totalmente  selvagem,  no que as classes trabalhadoras , os direitos dos povos e sobre todo ás mulheres perderiamos  direitos que graças a grande número de luitas do feminismo  tinhamos conquistado.
Por isso nom é de extranhar a contundência que  empregárom as “suas forças da orde “ em reprimir a diferentes sectores, mas sobretodo empregarom especial brutalidade contra as mulheres e especialmente com as moças.
O capitalismo e o patriarcado como sempre aliados, colhidos da mam, utilizando a sua cara mais violenta em contra das mulheres, da nossa língua, do feminismo, utilizando expressons totalmente sexistas .
As mulheres estamos cada vez mais presentes a nível público, nom só em organizaçons feministas senom em todos os movementos sociais e políticos e isto nom entra nos planos do novo modelo de capitalismo que querem impor, o mais salvagem e reaccionário , onde as mulheres teríamos o papel de  nais e esposas fechadas na casa.
Estamos em tempos difíceis, mas estamos seguras que a resposta desde o feminismo galego vai a estar a altura das circunstáncias. Temos que ser quem de reflexionar,  de aunar forças, de respostar e amossar que o feminismo galego imos estar sempre na defesa de umha Galiza livre e nom patriarcal.
 

consultar enlace :  

 http://www.rebelion.org/noticia.php?id=110463                   

A lingua reflicte umha determinada concepçom do mundo asumida pola coletividade que a fala. Desde MNG decidimos deliberadamente nom utilizar o termo de “patria” que etimologicamente significa “terra dos pais”, este termo reforça a ideia do patriarcado, que para nós é um  objectivo fundamental  a erradicar  na nossa luita como feministas galegas.
Estamos a assistir á maior crise do capitalismo dos últimos oitenta anos e como sempre querem que paguemos as súas conseqüências a clase trabalhadora, os sectores do agro, do  mar, em gêral os sectores populares. Os despedimentos, os expedientes de regulaçom de emprego e a nom renovaçom de contratos convértem-se a diario no drama de muitas pessoas condeadas ao paro, e a miséria.  Esta situaçom afecta dumha maneira muito especial às mulheres.
Existe umha corrente involucionista, impulsionada por sectores poderosos do capitalismo espanhol e a sua armaçom institucional e mediática, e tem como punta de lanza à Conferência Episcopal Espanhola. Dita corrente involucionista, com as súas diversas expressons, está a afectar aos direitos individuais e colectivos das pessoas, aos direitos da nossa naçom, da nossa lingua e da nossa cultura, ao gasto social, aos direitos das mulheres,…
Na Galiza desde que governa o PP,  fai tam só um ano, estamos a assistir a umha involuçom acelerada: Lei de maternidade,  lei de familia, desapariçom do SGI,  ataque frontal a nossa lingua, reconversom dos Centros Querote, impedimentos para poder ejercer com liberdade a nova lei do Aborto, privatizaçon dos serviços públicos como sanidade e ensino, limitaçom em recursos sociais, etc . Todas estas medidas contam com o apoio da Igreja Catolica à que nom lhe chega com todos os milhons de euros que recaudam pola sinatura do Concordato  com o Estado Espanhol desde 1953, senom que planificam visitas do seu Jefe do Estado (do Vaticano), como a que tem prevista para novembro ao nosso pais, na  que a Junta vai gastar quatro milhons de euros.
Temos que orientar num sentido anticapitalista, democrático  e antipatriarcal a nossa luita para conquerir um cambio radical desta sociedade. Neste senso é muito importante para o feminismo na Galiza aprofundar na reflexom teórica,  na  autoorganizaçom e nas formas de luita. É um reto que temos que afrontar e estamos seguras de ser quem de  faze-lo para conquerir umha Galiza livre e nom patriarcal.

O 25 de julho MNG, estaremos na Alameda de Compostela com umha mesa de distribuiçom do nosso material: livros, colantes, chapas, bandeiras feministas, camisolas, … pasa polo nosso posto, aguardamos-te.

O 28 de junho tem que ser entendido como um día de luita e reivindicaçom dos direitos de toda a sociedade. A luita pola liberdade sexual é a luita pola saude social, porque umha sociedade que vive na repressom do amor, do afecto é umha sociedade enferma.
A falta de liberdade sexual que há nesta sociedade capitalista é patriarcal  condena-nos  à submissom e a insatisfaçom pessoal. 
Participa das mobilizaçons que há convocadas na Galiza.

concentraçom Vigo 21                                                                              concentraçom Compostela 22

A iniciativa dos sectores mais reaccionários da sociedade e co respaldo dos votos do PP aprovou-se hoje no Parlamento da Galiza a proposicom-lei  que regula umha rede de apoio à mulher grávida.

As organizaçons feministas na Galiza  fixemos escoitar a nossa voz unitária de repulsa  a umha disposiçom tam reaccionária que fai lembrar os mais escuros tempos para as mulheres.

Temos que dar-nos os parabens por  ter conseguido dar  reposta na rua e tambem dentro do Parlamento .

As feministas respostamos hoje e imos seguir respostando as agressons

informaçom publicada

informaçom publicada

 

.A proposiçom de lei, de iniciativa legislativa popular, pola que se estabelece e regula umha rede de apoio à mulher grávida com a que se  pretende críar umha rede de apoio às mulheres grávidas parte dumha iniciativa legislativa popular impulsada por associaçons ántiabortistas  baijo o nome de Redmadre que aglutinam, entre outras ao “Foro de la Familia”  a “Asociación Católica de Propagandistas” e a “Asociación de Víctimas del Aborto”.

 Esta proposiçom de lei vai ser sometida para a sua aprovaçom o próximo 22 de junho no Parlamento da Galiza.

De umha primeira lectura, e sabendo que é necesario aprofundar mais desde o ponto de vista legislativo e feminista,  o que sim estamos em condiçom de dizer desde Mulheres Nacionalistas Galegas é que esta proposiçom  de lei  carece de total perspectiva de género fazendo-nos retroceder aos mais escuros momentos que vivimos as mulheres e toda a sociedade galega.  Suporia, de ser aprovada,  um paso atrás nas conquistas dos nossos direitos como mulheres e por suposto  nas reivindicaçons polas que vimos luitando desde hà muitos anos o movemento feminista na Galiza e nas que tinhamos avançado em muitos aspectos.
Fazendo memória cabe lembrar que no  Estado Espanhol, o Governo do  PSOE aprovou em 1985 a “Lei do Aborto”  na que só se despenalizava em três supostos .

A direita promoveu no  ano 1985 um Recurso de Inconstitucionalidade ante o Tribunal Constitucional que resolveu mediante Sentença de 11-4-85. O que se propunha nesse Recurso era o Direito à vida que tinha o embriom ou feto por nascer “o nasciturus”, segundo os recorrentes. Propunha que o feto goçava do direito fundamental à vida nos termos que a Constituiçom Espanhola protege o direito à vida dos já nascidos (art. 15: “todos tenhem direito à vida”). O Tribunal Constitucional considerou acorde com a Constituiçom a nom punibilidade desses três supostos já que nom existe um direito fundamental do nasciturus à vida. O feto, segundo o Tribunal Constitucional, nom é titular do direito à vida que protege o art. 15 da Constituiçom Espanhola (Sentença T.C.). Por isso nom há conflito entre os direitos fundamentais da mulher grávida  a vida, a liberdade, a dignidade, o livre desenvolvimento da sua personalidade, a intimidade  e o inexistente direito à vida do nasciturus. Por suposto, o PP voltou a recurrir a Lei do Aborto que entrará em vigor o próximo 5 de julho

O aborto livre e gratuito é um direito que nom obriga a quem nom o quer utilizar. É um  direito das mulheres a decidir se queremos ser nais, e em caso afirmativo, quando e quantas veces queremos se-lo. A maternidade há de ser livre e nom obrigatória. É umha questom fundamental de democracia e respeito para todas as mulheres, que tem muito que ver com os direitos fundamentais como o direito à vida, ao livre desenvolvimento da personalidade, a liberdade, à dignidade, à integridade física e moral, todos eles reconhecidos na Constituiçom Espanhola.
 
Porque é necessário separar maternidade de sexualidade. Ou seja, a nossa sexualidade deveríamos poder abordá-la sem estar condicionadas polo medo a quedar-mos grávidas. Os homens mantenhem relaçons sexuais sem estar submetidos a esses medos. Desde outro ponto de vista, as mulheres temos direito ao desenvolvimento de nossa própria sexualidade à margem da nossa capacidade reprodutora. Nom podemos esquecer a grande relaçom que tenhem as gravideces nom desejadas com a sexualidade masculina dominante, eminentemente fálica e coital. 

Esta proposiçom  de  lei merece especial atençom polo que fala da proteçom da maternidade. A maternidade obrigatória, utilizou-se e utiliza-se para nos manter subordinadas, enclaustradas, atadas, … A fundamentaçom última do prohibicionismo em relaçom ao aborto é o interesse em manter a opressom das mulheres. 

Este terreno, o dos nossos direitos sexuais e reprodutivos, é umha das áreas em que o conservadurismo, especialmente o da hierarquia da Igreja Católica, se mostra o mais obstrucionista às exigências das mulheres, é também nestes terrenos onde o patriarcado topou sempre um alicerce importante para sustentar a dominaçom sobre as mulheres. 

Desde umha perspectiva feminista falamos de novas formas de convivência , esta proposiçom de lei fala de diferentes tipos de familia, também da familia tradicional, mais em ningum momento se reconhece a existência de parelhas do mesmo sexo .

Ao tempo que se elimina o SGI  por supostos motivos de austeridade debidos à crise e nom duplicidades, desmatelam a rede de benestar e os Centros de informaçom e formaçom sexuais para a mocidade, mas pola contra, criam órgaos com dotaçom orzamentaria co fim de financiar a colectivos como a “Asociación Católica de Propagandistas” para impedir que as mulheres poidamos exercer os nossos direitos em liberdade.
 
Assim vai-se desenvolver no marco da presente  proposiçom de lei um Plano Integral de apoio à Familia e à Natalidade que gozará de prioridade orzamentária. Ademais de incluir a promoçom e a concienciaçom social da importancia da maternidade ao fomento da natalidade e a proteçom do direito à vida em formaçom. 

Impulsionar umha politica preventiva, formativa e informativa especialmente dirigida à infancia e adolescência. 

Ademais, esta proposiçom de lei goza dos parabéns dos sectores máis reaccionários e patriarcais da nossa sociedade como ACIPRENAS e o  colectivo “Redmadre”.

Nós as mulheres, as organizaçons feministas, temos que ser quem de unificar umha resposta para fazer escoitar a nossa voz de discrepância e somar as organizaçons em gêral que dim apoiar a luita antipatriarcal  ante esta situaçom que suporia um paso atrás nas conquistas dos nossos direitos como mulheres e como ciudadania em gêral.
Desde mulheres Nacionalistas apoiamos e impulsionamos todas as iniciativas que vaiam nese caminho, por eso queremos difundir a concentraçom que está convocada em Vigo para o día 22 de junho ás 20:00 h. no Marco assim como a concentraçom que vai ter lugar diante do Parlamento da Galiza em Compostela o día 22 ás 10:00 h.
Animamos a toda a ciudadania que acuda a estas e a quantas mobilizaçons se fagam no nosso país.