O militarismo é umha das expressons mais ferozes do patriarcado e do capitalismo e serve-lhe para garantir a hegemonia das potências mundiais e para perpetuar o seu modelo injusto.
Vemos as manifestaçons do militarismo no elevado gasto militar, no comercio de armas, na militarizaçom da investigaçom,  no uso dos exércitos como instrumentos de política internacional e na firme presença dos seus valores na sociedade.
Mais alá da expressom directa que representam os exércitos e a guerra há outro militarismo que atravessa toda a nossa sociedade,  umha exaltaçom de valores,  práticas, crenzas que formam parte do sistema patriarcal e cobrem tudo.
Estes valores, assentados sobre o machismo, a obediência cega, hierarquia, misoginia, homofobia, justificam a visom militar como a única via para resolver conflitos é legitimam qualquer tipo de agressom e som estes valores as bases ideológicas perfeitas para justificar a guerra, para promover medidas de repressom social com a passividade do grosso da sociedade.
As mulheres feministas reafirmamos a nossa insubmissom às guerras patriarcais e fronte ao militarismo onde a violência machista mostra a sua manifestaçom colectiva mais ensanhada.
Porque as mulheres somos as principais vítimas dos conflitos armados.
Porque as depesas militares priorizam-se fronte aos investimentos em serviços sociais, educaçom, sanidade e as mulheres sufrimos de jeito directo este deterioro.
Porque os poderes económicos e políticos geram e utilizam o medo como desculpa para incrementar ainda mais o orçamento e a investigaçom militar.
Porque este medo justifica o retrocesso em conquistas sociais, liberdades e direitos das pessoas e dos povos que podem pôr em perigo o statu quo.
Porque perpetua e consolida o actual sistema injusto e valores sociais, insolidarios, hierárquicos, autoritários e machistas.
Porque o militarismo impede e reprime a resposta de quem sofre.