Dentro da Universidade de verám 2011 da USC, estava previsto celebrar em Lugo, um curso denominado “custodia compartida nas separacións e divorcios: enfoque multidisciplinar” do 14 ao 16 de setembro.
Dito curso estava organizado pola “Asociación de Padres y Madres Separados de Galicia” e tinha como Instituiçons patrocinadoras e colaboradoras: Colexio de Avogados de Lugo, Colexio de Procuradores de Lugo, Xunta de Galicia, Dirección Xeral de Xustiza e Consellería de Familia e Benestar, Deputación de Lugo, Concello de Lugo e Fundación Novacaixagalicia.
Umha das pessoas ponentes destas jornadas era o juiz Serrano suspendido da sua actividade polo “Consejo General del Poder Judicial” por soposta prevaricación. Nesta ligaçom podes ver o contido do curso
http://www.usc.es/cultura/uverano25_11.htm
Tinham previsto utilizar recursos públicos para divulgar a chamada Síndrome de Alienación Parental (SAP) baixo o nome de “Interferencia Parental”.
Segundo Sonia Vaccaro, a Síndrome de Alienación Parental (SAP) é um constructo ideado por um médico psicoanalista estadounidense Richard Gadner em 1985, para utilizar como instrumento de defessa de pais acusados de incesto e/ou abuso. Segundo él “ O SAP é um lavado de cérebro ao que um dos pais , geralmente a nai, somete a criança em contra do outro progenitor, geralmente o pai, logrando assim alienar, quitar ao seu pai da vida da criança, para faze-lo desaparecer, podendo chegar até facer-lhe crer que o seu pai abusou sexualmente del” (Gardner, R. 1987) . É importante mencionar, também que este senhor publicou frases a favor da pederastia como a seguinte: “a pedofilia pode milhorar a supervivência humana servindo a propósitos procriadores”.
Despois de vinte e seis anos, nim a Organizaçom Mundial da Saúde nin a Asociaçom Americana de Psiquiatría reconhecem que o SAP exista. A falha de reconhecemento desta síndrome provém de que, em máis de vinte anos, nom existem evidências empíricas avondo que apoiem a suposta síndrome.
Rejeitamos o uso de recursos públicos para a difussom dumha teoría como o SAP nom reconhecida pola comunidade científica e que se sustenta por umha ideología machista, pedófila e sexista.
Por todo isto parece-nos muito positivo que este curso nom vaia a ser realizado. Pensamos que as gestons que desde diferentes organizaçons de mulheres se tenhem feito tenhem contribuido de maneira muito importante para que se tenha tomado esta decisom.