O día 13 de maio, foi assasinada Gloria, umha moça de 19 anos em Noia, vítima do terrorismo machista. Desde MNG queremos lembrar que nom é certo que os assasinatos de mulheres sejam algo inevitável, nem tampouco é certo que desde as distintas administraçons se esteja a fazer todo o possivel por evita-las. A violência dos homes contra das mulheres nom é um problema pessoal é um problema estructural, politico, social ,económico e cultural, é um problema que tem a sua origem no sistema patriarcal.
A sociedade na que vivemos é umha sociedade patriarcal polo que a violência de género seguira perpetuando-se mentras as mulheres sejamos cidadás de segunda categoria e nom poidamos dispor do nosso corpo livremente, mentras sejamos objeto de mercaduria sexual, mentras sejamos o sector da populaçom que vive máis empobrecida, mentras exista discriminaçom salarial, mentras nom exista um reparto equitativo nas tarefas domésticas, mentras a nossa representaçom pública nos postos de responsabilidade siga a ser minoritario, mentras se nos siga utilizando como reclamo publicitario, mentras a co-educaçom nom seja umha realidade, mentras exista a actual organizaçom machista e pensamento misógeno da igreja católica.
A pesares de que existam leis que na actualidade teriam que mitigar a violência de género, as mesmas estam sem desenvolver e sem dotaçons orzamentarias e recursos humans.
Para MNG é um objetivo fundamental erradicar a violência de género e os valores machistas da sociedade que a mesma agocha.
CONCENTRAÇOM DE REPULSA EM COMPOSTELA POLO ASSASSINATO POR VIOLÊNCIA MACHISTA DA MOÇA UNIVERSITÁRIA GLORIA GARCÍA MARTINEZ
Gloria García Martínez, de 19 anos, estudante da Universidade, e com toda umha vida por diante é assassinada em Noia e com ela sumamos outra mulher máis vítima da violência de género que paga coa sua vida a discriminaçom e a desigualdade que padecemos todas. Que a indignaçom de toda a comunidade universitária e toda a sociedade compostelá, saia à rua para rexeitar o cruel assassinato de Gloria e denunciar a violência machista padecida polas mulheres e exercida contra elas polo facto de sê-lo. O VINDEIRO MÉRCORES –QUARTA FEIRA- 18 DE MAIO PRAÇA 8 DE MARÇO-PORTA DO CAMINHO ÀS 8 DA TARDE
imagens concentraçom Vigo: http://goo.gl/tY8vK
