O I Roteiro em Feminino ‘Sons de Mulleres’ é umha iniciativa de Mulheres Nacionalistas Galegas que tem como objectivo visibilizar ás mulheres que, individual ou colectivamente, tecerom a história de Vigo. Leva-nos por quince pontos, situados, fundamentalmente no casco histórico polos que dum ou doutro jeito, as mulheres deixarom a súa pegada e a súa contribuçom á identidade de Vigo, aínda que a própria história da cidade as tenha silenciadas.

Quando elaboramos o Roteiro no ano 2011, comprobamos como a nossa cidade medrou com a força, co valor, co compromiso, com a solidariedade e a valentía das mulheres que fixerom do seu labor umha achega ao desenvolvemento, social, económico, ideológico e cultural.

No Roteiro há espaços que som froito das reivindicaçons e do trabalho máis recente do Movemento Feminista: a Praça 8 de Março, a Biblioteca Feminista ou a Casa das Mulheres; lugares que recuperam a memória de mulheres vítimas da repressom franquista: Urania Mella, Olimpia Valencia ou Rosario Hernández -A Calesa-, que luitarom pola liberdade nas rúas da cidade, nos sindicatos e na vangarda cultural e mesmo nas barricadas da resistência.; espaços de Pedagogas que defenderom os direitos das mulheres, luitando por umha educaçom que aínda hoje é sonho de futuro: Concepción Arenal, Ernestina Otero ou Antia Cal; lugares de creaçom artística e literaria, como foi a imprensa de Juan Compañel onde Rosalía de Castro sacou do prelo em 1863 “Cantares gallegos”; e lugares que reconhecem o compromisso político, o trabalho nas conserveiras, na ribeira do Berbés ou as ostreiras, nos lavadoiros comunais ou nos mercados, ou ás mulheres que tiverom que emigrar.

Desde a nossa vontade Feminista as mulheres ás que adicamos este Roteiro som umha referência na luita Antipatriarcal e na construçom dum mundo máis Livre e Solidário.

O Concelho de Vigo, assumiu a sinalizaçom deste Roteiro em Feminino ‘Sons de Mulleres’ .

Dentro dos actos do Conselho Municipal da Mulher em colaboraçom com a Concelharia de Igualdade do Concelho de Vigo em torno ao 8 de março, este sabado 24M terá lugar umha visita polo Roteiro em Feminino ‘Sons de mulleres’ guiada por Maria Casar, coordenadora de dito projecto. Esta actividade dará começo ás 11:30 h. no Paseo de Alfonso XII

Convidamos-vos a participardes e aguardamos poder contar com a vossa presença.