Luitadoras. O género da memoria

Os restos que ficam da simbologia fascista nom só som umha ofensa para qualquer pessoa que se nomee minimamente democrata, som umha ofensa muito especial para as mulheres.

Significam a lembrança da ruptura brutal dos primeiros passos que aquelas mulheres da República emprenderam para a sua emancipaçom, da consecuçom das leis que lhes reconheciam direitos fundamentais para para começar a desenvolver-se como pessoas na sociedade (a personalidade jurídica, o direito ao divórcio, o voto�) e das suas ánsias de irem conquistando mais espaços com umhas relaçons mais equitativas.

A Ditadura Fascista supujo-lhes a imposiçom da minoria de idade quase permanente, o submetimento ao varom, a dependência dele para qualquer resoluçom económica, jurídica, administrativa ou pessoal, mesmo para trabalhar, a desaprovaçom da participaçom da mulher na vida pública, a desigualdade legal por pertencerem a distinto sexo, a sublimaçom do papel abnegado para as mulheres, o rejeitamento da sabedoria por ser umha qualidade pouco feminina�Estado e Religiom Católica harmonizavam as ideias e legislavam na prática toda a vida social e privada das mulheres: o velo na cabeça abaixada, o velo em toda a vida.

E para aquelas rebeldes, as desobedientes, as que se negárom a admitir a sua anulaçom e reclusom e contra tanta injustiça luitárom, a simbologia fascista lembra as perseguiçons, os castigos especiais para as mulheres, as humilhaçons públicas, o óleo de rícino, a rapa do cabelo, as ameaças contra elas ou contra as suas filhas e filhos, a marginalidade, as torturas, as violaçons, o assanhamento na amputaçon de peitos, os juízos sumaríssimos, as execuçons estando prenhadas, as execuçons esperando que naçam as crianças para deixá-las sem mai, a morte nas bermas das estradas, o mais terrível esquecimento�

Os símbolos que pomos no nosso entorno nom som inocentes. Nom podemos ficar no conformismo de â??já nom fam mal a ninguémâ?. Cada pedra erigida no nome do fascismo tem detrás umha história de dor, de violência e de injustiça atirada na vida de todas nós.

Basta de ofensas: exigimos a retirada imediata de toda a simbologia fascista como condiçom mínima para restabelecer a nossa dignidade.