Som muitas as luitas que o feminismo na Galiza temos abertas. Ao longo dos anos vimos prantexando umha serie de reivindicaçons, alternativas e propostas que reflitem problemas que vivimos de cotio.
Temos denunciado a violência que contra nós se exerce em diferentes ámbitos, na rua, na casa, no trabalho, nas insituiçons, nos meios de comunicaçom, na publicidade,… com diferentes formas: feminicidio, agressons sexistas, políticas de odio LGTBI, discriminaçons laborais, publicidade sexista, vejaçons desde o mundo político, ataques ao nosso direito a decidir. Nos povos e cidades da Galiza temos dado umha resposta organizada a toda a violência patriarcal.
A organizaçom patriarcal da sociedade galega segue a ser o modelo que constringe as relaçons sociais e os parámetros que rigem as nossas vidas. Esta organizaçom patriarcal complementase com o modelo do estado espanhol que nega as liberdades de Galiza como naçom.
Animamos a todas às mulheres galegas a participar da reivindicaçom independentista e feminista, recordando que qualquer projecto de construcçom nacional que nom contemple a destruiçom do sistema patriarcal nom será um verdadeiro projecto libertador. Instamos a toda a naçom galega a conquerir maiores quotas de organizaçom e luita no caminho dumha Galiza livre e nom Patriarcal.