Diante da concentraçom convocada polo Movemento Feminista, hoje 24 de maio em Compostela, diante do Parlamento para amossar o nosso rejeitamento ao início do trámite parlamentar do “Anteproxecto de Lei de Apoio á Familia e á Convivencia en Galicia”, a Subdelegaçom do Governo comunicou-nos a sua proibiçom.
A pesares disto tivo lugar a concentraçom diante do Parlamento e ao mesmo tempo um grupo de feministas assistirom ao debate parlamentar e ao final do mesmo exhibirom umhas camisolas com a legenda nomaleidefamilia.org (que é a ligaçom para poder assinar a petiçom online contra a tramitaçom desta Lei) ao tempo que berravam nom a Lei Familia, polo que forom desalojadas do Parlamento.
Consideramos um éxito esta nova açom contra a Lei Familia e animamos a toda a sociedade a seguir amossando o nosso rejeitamento a esta Lei que supom um grave recorte dos direitos das mulheres, direitos que tantas luitas nos custarom conquistar ao movemento feminista.
Galeria de imagens: http://goo.gl/0LmqC
Comunicaçom Sub Gov: http://goo.gl/7dhsA
