Services

How can we help you?

Web design

Fusce sagittis et nisi in feugiat

SEO Services

Fusce sagittis et nisi in feugiat

eCommerce

Fusce sagittis et nisi in feugiat

Social media marketing

Fusce sagittis et nisi in feugiat

Advertisement

Fusce sagittis et nisi in feugiat

Paremos o genocidio israeli contra o povo palestino. As suas armas a nossa pobreza, as suas guerras a nossa miséria

by | Xan 2, 2009 | Uncategorized | 0 comments

Acude à manifestaçom nacional o domingo 18 às 12:00 na Alameda de Compostela 

brochura-unitaria-galiza-com-palestina.doc

 concentracom-palestina-024.jpgboycott_israel.gif

Na Palestina, na pele de cada palestina, no rosto de cada palestino, sinala-se um mapa da dor. Cada dia, desde 1948, o exército israeliano planta umha lasca nesse mapa. A história recente de Palestina é umha alegoria da quebra que só o ser humano é capaz de infligir aos seus semelhantes, mais ao tempo o povo palestino escreveu, sobre as suas ruínas, páginas de dignidade e esperança.

Israel tem-no voltado a fazer. Os seus mísseis segarom a vida de várias centenas de pessoas entre elas muitas mulheres e crianças. Têm o poder que lhe garante a força militar, o apoio internacional -pola via dos factos- e o silêncio cúmplice que dura já vários decênios. A populaçom palestina está ao capricho de Israel: ou se pregam a suas imposiçons ou iram assasinando-os, neste processo de limpeza étnica. Umha operaçom executada por Israel, patrocinada por E.E.U.U., silenciada polo resto das potências, também as européias, e sofrida por umha populaçom inocente.

Contam, além disso, com a poderosa arma da propaganda. As suas interessadas teses imponhem-se fronte a umha realidade que as questiona dia a dia. Na sua política de tergiversaçom denominam terrorista ao resistente e estado democrático ao terrorista. Sustentam os seus direitos numha mentira genética, a que defendia o direito à criaçom do estado de Israel na Palestina com o lema �um povo sem terra para umha terra sem povo� ditado pela que fora Chefa do Governo israelita Golda Meir. Umha terra sem povo? Botarom-nos das suas casas e imediatamente assemelha que nom tiveram existido.

O nosso poder nom vai mais longe das nossas palavras e hoje queremos que clamem pola dignidade dum povo farto de sofrer a  violência. A populaçom palestina foi e é assassinada, humilhada por um estado criado artificialmente que ignora sistematicamente a legalidade internacional e assentado no sentimento dumha culpa européia sem purgar depois do holocausto nazi.


Exigimos aos governos e às instituiçons internacionais que ponham fim à limpeza étnica que o povo palestino sofre desde 1947 aplicando a legalidade internacional fazendo cumprir as resoluçons da Assembléia Gêral e do Conselho de Segurança das Naçons Unidas sobre o fim da ocupaçom, a volta às fronteiras de antes de 1967 e o retorno das pessoas refugiadas; as sentenças do Tribunal Penal Internacional da Haia para a eliminaçom do muro do apartheid na Cisjordânia; e a IV Convención de Genebra para o fim do feroz bloqueio de Gaza e a constante violaçom dos direitos da humanidade  da populaçom civil.

Por este incumprimento constante da legalidade internacional exigimos à comunidade internacional e ao estado espanhol a ruptura de relaçons e o boicote a Israel como o início do caminho para uma paz justa.

Os bombardeios tenhem que cesar e temos que implicar-nos na busca de uma saída política justa baseada na legalidade internacional sobre a qual se construa um cenário de paz. Umha saída que nom pode deixar impunes as pessoas responsáveis de tanta atrocidade sobre a populaçom palestina.

Desde MNG fazemos um chamado a participar em todos os actos convocados em solidariedade com Palestina