Em MNG cremos que se devem buscar novos jeitos de ativar a participaçom e a formaçom das mulheres. Partimos do convencimento de que formaçom e informaçom constituem um marco ótimo para que fluam as diversas ideias e propostas de cambio social e as mulheres temos que ser protagonistas ativas deste cambio.
É por isso que apostamos por um enfoque participativo. O coletivo MNG considera necessário formar ás mulheres em questons relacionadas com a nossa participaçom social, com os nossos direitos… para a nossa achega ativa no cambio social.
As redes sociais som a dia de hoje um dos meios mais importantes para a comunicaçom nem só no âmbito do lazer, mas que também som uma importante ferramenta de criaçom de grupos informativos e uma amostra dos interesses reais da cada pessoa. Portanto, é muito importante saber configurar e gerir os nossos perfis nas redes sociais para poder dar a imagem adequada e transmitir as nossas ideias.
Todas as informaçons necessárias para participar nos obradoiros:
Dias: 9 de outubro e 16 de outubro
Horario: de 18 a 21 horas
Lugar: Aula CeMIT, Rúa Oporto nº 1 – Vigo. (antigua reitoria)
Imparte: Paula Rios Curbeira (Ciberfeminista con experiencia em formaçom e a elaboraçom de materiais didáticos. Género e TIC e Redes de conhecimento).
Inscriçom: Gratuita. Praço límite 6 outubro.
Twitter (9 de outubro)
Horarios: de 18 a 21 horas
Conteúdos:
O obradoiro está pensado para nos iniciarmos no uso desta ferramenta.
– Elementos principais e perfil de utente
– Conceitos básicos próprios desta rede social
– Exemplos de usos de Twitter para o ativismo social
– Aplicaçons relacionadas com Twitter
Facebook (16 de outubro)
Horarios: de 18 a 21 horas
Conteúdos:
– Criação de perfil e componentes básicos
– Elementos multimédia da nossa página
– Configuraçom da segurança e privacidade
– Criaçom de grupos e configuraçom
– Criaçom de eventos
Processo de inscriçom:
Preenche o formulário mais abaixo ou enche a ficha que podes descarregar aqui e envia um escaneado ou uma imagem dela a mngvigo[@]hotmail.com. O prazo para inscriçom é até 6 de outubro. Receberás um correio de confirmaçom no email que forneças no formulário de inscrição (verifica se o endereço que nos envias é correto ou não poderemos contactar contigo)
Bule!!! as praças som limitadas até completar aforo.
Vemo-nos nas redes! ;-D
[contact-form-7 id=”1184″ title=”Formulàrio de inscriçom”]