Por um ensino público, laico e nom sexista

Para Mulheres Nacionalistas Galegas,  Coeducaçom é um proceso intencional, consciente e racional de educaçom nom sexista, é dizer, de cambio de análise da realidade para trasforma-la. Há que ter em conta que nom só a escola educa, este principio debe atingir todos os ámbitos da sociedade.
Aplicado  à escola, contrapom-se à escola mista, falsamente igualitaria, que exerce umha socializaçom diferente por sexos e fomenta umha imagen do mundo e da própria identidade distorsionada polo androcentrismo. A escola coeducativa deixa aflorar o conflito,  que o sexismo seja identificado como tal e, a través da análise critica, transforme conteúdos, métodos, valores e atitudes para criar um ambiente escolar onde cada quem tenha o seu espaço e o seu tempo, que propicie a autoestima,a cooperaçom e a solidariedade e ensine estratégias de defesa ante as dependencias e estrategias de cámbio para manter a independencia.