A presente ediçom do nosso festival poético e cultural está dedicada às luitas das mulheres pola sua emancipaçom, pola igualdade, pola superaçom de um sistema patriarcal que opreme a dignidade das que mesmo som a maior parte da humanidade. Um festival que sempre focou a sua mensagem nas reivindicaçons populares nom podia obviar umha batalha que se nom ganhamos nunca poderemos ser verdadeiramente livres, nem mulheres nem homens.
Como sempre, festa e compromisso dam-se cita em Salvaterra de Minho para celebrar a já vigéssimo-quinta ediçom de um festival que recupera a sua referencialidade entre as comemoraçons lúdicas e culturais do verao galego. O primeiro fim de semana de Setembro, vemo-nos mais um ano na beira galega do Minho.
mas informaçom, consultar ligaçom http://www.scdcondado.org/festival.htm